یوخاری

آمریکا-دان باکی و ایروانا: کرملین باشی قاریشیب، تئز ائدین!

آنا صحیفه سیاست
12 Punto 14 Punto 16 Punto 18 Punto

ایروانلا باکی آراسیندا صلح مقاوله‌سی امضالاماق امکانی وار، چونکی روسیا حاضردا چتینلیکله اوزلشیب، بلکه ده بیر ایلدن سونرا بو جور چتینلیکده اولمایاجاق. اونا گؤره ده فرصت پنجره‌سی وار. بیز ایندی بونون اوزرینده ایشلییریک.

Axar.az خبر وئریر کی، بو سؤزلری آمریکا دولت کاتبینین معاونی جیمز اوبراین «آزادلیق» رادیوسونون ارمنی خدمتینه مصاحبه‌سینده دئییب.

«روسیا دئمک ایستییر کی، اوکراینادا غالب گلندن سونرا قافقازا قاییداجاق، لاکن روسیا اوکراینادا غالب گلمه‌یه‌جک و قافقازا قاییتمایاجاق – باخمایاراق کی، اوزون مدتدیر بورادادیر.

ایندی ارمنیستان وطنداشلارینین بونو دئمه‌سینین واختی‌دیر: «بیز قرارا گلدیک و گئرییه یوخ، ایر‌لی گئتمک ایسته‌ییریک». ایندی ایر‌لی گئتمک امکانی وار، چونکی روسیا اوکراینادا ایلیشیب قالیب».

اونون سؤزلرینه گؤره، آمریکا ارمنیستانلا مناسبتلری استراتژی طرفداشلیق سویه‌سینه قالدیراجاغینی بیان ائدیب. او ایضاح ائدیب کی، بو، ارمنیستانلا دموکراتییانین گوجلندیریلمه‌سی، تهلوکه‌سیزلیی، مثلاً، پلیس و سرحد قوشونلاری و اقتصادیاتین دیورسیفیکاسییاسی اوچون ایشله‌مک دئمکدیر:

«ارمنیستان گلوبال تجارت آپارا بیلمه‌لی و ایندیکی کیمی روسییادان آسیلی اولمامالی‌دیر. بونلار اوزرینده ایشله‌مه‌یه داوام ائدجییمیز ساحه‌لردن بعضیلریدیر. بیزیم آذربایجانلا بیر چوخ جهت‌دن ثمره‌لی و کونستروکتیو مناسبتلریمیز وار و بیز هر ایکی طرفله ایشلیجییک. چوخ شاد اولاریق کی، شرکتلره مالیه یاردیمی گؤسته‌رک و اونلارلا امکداشلیق ائدک کی، اونلار صلح سازشیندن سونرا دینج رگیونون امکانلاریندان استفاده ائتمک اوچون بورا گلسینلر. بیز ارمنیستان و آذربایجانلا طرفداشلارین بیر-بیرینه کمک ائتدیی بوتون یوللارلا ایشله‌مه‌یه حاضیریق. گورجوستان و ارمنیستان آوروپا بیرلیینه و واحد بازارا داها یاخین اولماقدا ماراقلیدیرلار و حساب ائدیرم کی، بئله اینتگراسییا یالنیز ایروانلا باکی آراسیندا سازش امضالاندیقدان سونرا ممکوندور».

اوبراین بیر داها زنگزور دهلیزینی دستکلدیینی بو سؤزلرله ایفاده ائدیب:

«بو سند قازاخیستاندان تورکیه‌یه کئچه‌رک آرالیق دنیزینه و یا قارا دنیزه چاتان بیر تجارت یولونا صاحب اولماق امکانی وئرجک. بو مارشروت آرتیق موجود اولان، آذربایجان اراضی‌سیندن کئچه‌رک گورجوستانا و قارا دنیزه قدر اوزانان مارشروتو تماملایاجاق. بو ایکی مارشروت بیرلیکده اورتا آسییا اؤلکه‌لرینه روسیا و یا چیندن آسیلی اولمایاراق دنیا بازارینا چیخیش امکانی وئرجک. بیز بو احتمالی قطعیتله دستکلییریک».

قید ائدک کی، جیمز اوبراین ۱۰ ایون‌دا ایروانا گلیب. سفر ۱۲ ایوندا باشا چاتاجاق.

تاریخ
2024.06.12 / 22:05
مولف
Axar.az
شرح لر
دیگر خبرلر

فرانسا ارمنیلری سیلاحلاندیریب، محاربه‌یه گؤندریر - سئنساسییا

آمریکا دهلیز قارشیلیغین‌دا باکی‌دان بونو ایستییر - مانولیان

ایلهام علیئو رسمی ضیافتده اشتراک ائتدی

آوروپایا گاز تجهیزاتی ایکی دفعه آرتیریلیر - علیئو

اردوغان و پوتینین یئنی پلانی: ایران مانع اولور - آغار

باکی و بوخارست آراسیندا مصلحتلشمه‌لر کئچیریلدی

میرزویان باکی و آنکارا ایله مناسبتلردن دانیشدی

ایران‌دان غربه مساژ: واختی چاتیب!

باکی تهرانلا یاخینلاشیر، زنگزور «گئدیر» - پتروسیان

باکی و ایروان اینانیلماز ایرلیلییش الده ائدیبلر - آمریکا

خبر خطّی
Axar.az'da reklam Bağla
Reklam
Bize yazin Bağla