زنگزور دهلیزی مسئله‌سی ایرانلا روسییانی قارشی-قارشییا قویوب.

Axar.az رئپورت-آ استنادلا خبر وئریر کی، بو باره‌ده تورکییه کیو-ی یازیب.

بیلدیریلیب کی، ایران زنگزور دهلیزینین آچیلماسینا قارشی‌دیر:

«رسمی تهران دوشونور کی، زنگزور دهلیزینین آچیلماسی ایله تورکییه و آذربایجانین رئگیونداکی نفوذو داها دا گوجلنه‌جک. ایران بونو تهدید کیمی قبول ائدیر. ایران بونون رئگیوندا، خصوصیله جنوبی آذربایجان‌دا میللی کیملیک حیسینی آرتیراجاغیندان ناراحاتدیر. باشقا بیر مسئله ایسه ایرانین رئگیونال معنادا ژئوسیاسی نفوذونون آزالماسی ایله باغلیدیر. همچینین تورکییه ایله مرکزی آسیاداکی تورک دولتلری آراسینداکی علاقه‌ده ایران فاکتورو ایندیکی کیمی تأثیرلی اولمایاجاق. نوبتی مقام ایرانین ارمنستانلا سرحدده‌کی نظارت امکانلارینین محدودلاشماسی‌دیر».

قید اولونوب کی، بوتون بونلار ایرانین زنگزور دهلیزی ایله باغلی موقعینه تأثیر ائدیر: «ایران ارمنستانلا دیپلوماتیک علاقه‌لرینین گوجله‌نمه‌سینه تهفه وئره‌جک آددیملار آتیر. بونا مثال اولاراق ایرانین ارمنستانین قافان رایونوندا کونسوللوق آچماسینی و ارمنستانین تبریزده کونسوللوق آچماسینی پلانلاشدیرماسینی گؤسترمک اولار».

همچینین قید اولونوب کی، روسییا زنگزور دهلیزینین آچیلماسیندا ماراقلی‌دیر:

«کرملین پریوریتئتی ارمنستانلا غربین علاقه‌لرینی نظارت آلتینا آلماقدیر. ایروانین سون واختلار فرانسا باشدا اولماقلا آوروپا ایله قوردوغو حربی علاقه‌لر بو دولتین روسییانین تأثیریندن چیخدیغینی گؤستریر».

ادعا اولونور کی، باش وئره‌نلر ایران-روسییا مناسبتلرینه تأثیر ائده بیلر.