ایران دوغرودان دا بیر نئچه یئره پارچالانا بیلر. ایرانین بؤلونمه‌سینی داها چوخ اسرائیل ایستیردی. چونکی ایرانی اؤزو اوچون تهلوکه حساب ائدیر. قورخور کی، ایران نوه سلاحی الده ائدر و بو سلاحلا اسرائیلی وورار و س. بو باخیم‌دان اسرائیلین ماراغیندادیر کی، ایرانی پارچالاسین. لاکین اونون گوجو بونا یئترمی؟

بو سؤزلری Axar.az-آ روسیالی پولیتولوگ سرگئی مارکوو اسرائیلین نفت و نوه اوبیکتلرینه ضربه ائندیرجیی حالدا ایرانین پارچالانماسینین ممکن‌لویو حاقدا مذاکیره‌لره مناسبت بیلدیررکه‌ن دئییب.

مارکووون سؤزلرینه گؤره، ایرانین پارچالانماسی بؤیوک گوجلر اوچون آرزو اولونان دئییل:

«اؤلکه‌نی بؤلدوک‌دن سونرا اونو کیم اداره ائد‌جک؟ اسرائیل بونو باجارا بیلمز. آمریکانین ایسه باشقا اؤلکه‌لرین اداره‌چی‌لییی ایله باغلی تجروبه‌سی اوغورلو اولمادی، افغانیستان‌دا، عراق‌دا، سوریادا افلاسا اوغرادی. آمریکا حاضرکی دینی رژیمین دئوریلمه‌سینی ایستردی. لاکین ایرانین اداره‌چیلیک عهدلیینی اؤز اوزرلرینه گؤتورمک ایستمز. چونکی دیگر اؤلکه‌لر کیمی ایران‌دا دا اوغورسوزلوغا دچار اولماق‌دان احتیاط ائدیرلر. حتی دییشیکلیکدن سونرا ایران‌دا خاوس اولماسین دئیه نظارت ائد‌ن لازیمدیر. غربین ایرانا مناسبت‌ده ایکی کونسپسییاسی وار: بیری ایرانلا دوشمن‌چیلییه سون قویماق، نوه راضیلشاماسی ایله باغلی دانیشاقلارا یئنی‌دن قاییتماق، ایرانین یئنی پرزیدنتینی «ایرانین گرباچفو» کیمی قبول ائتمک و اصلاحاتچی پرزیدنتین حاکمیتی تام الینه آلماسینا یاردیم ائتمکدیر. بو کونسپسییا داها چوخ آوروپا اؤلکه‌لرینه مخصوص‌دور. ایکینجی کونسپسییا ایسه ترامپلا باغلیدیر. ترامپا گؤره، ایران اسرائیلین و آمریکانین اکزیستنسیال دوشمنی‌دیر. بو مقصدله ایرانا گوجلو تضییق ائتمک لازیمدیر. حتی ترامپ نووه اوبیکتلرینین وورولماسینا چاغیریشلار بئله ائدیب.

لاکین آمریکانین ایندیکی آدمینیستراسییاسی غرب و ترامپ واریانتی آراسیندا بیر مؤقع‌ده‌دیر: هم ایرانین مدرنلشمه‌سینین، هم ده سرت تدبیرلر گؤرولمه‌سینین طرفداریدیر. دالغاواری مؤقع نماییش ائتدیریر».

ایران و اسرائیل آراسیندا حاضرکی مناسبتلردن دانیشان پولیتولوگ حادثه‌لرین نئجه انکشاف ائده بیلجیینه ده دقت چکیب:

«تهران، البته، استراتژی باخیمدان ایستردی کی، اسرائیلی محو ائتسین. لاکین پراکتیک نقطه نظردن مختلف پروکسیلره مالک اولدوغو بیر واختدا ایران اسرائیلله گئدن مباریزه‌دن راضی‌دیر. ایرانین پروکسی یاراتماق امکانی بؤیوکدور. لاکین اسرائیل بئله بیر پروکسی محاربه‌سی آپارماغا قادر دئییل. کیمی توپلایاجاق؟ ایرانین اطرافیندا اساساً مسلمانلار توپلاشیب و اونلار آراسیندا اسرائیل طرفداری تاپماق آسان مسئله دئییل. بو باخیمدان اسرائیلین موقعی ضعیفدیر. لاکین اسرائیل راکت محاربه‌سی آپارا بیلیر. دؤیوش طیاره‌لری وار کی، بو، ایران‌دا یوخدور. اولانلار دا کهنه‌دیر و اسرائیل بو استقامت‌ده داها گوجلودور. راکتلری و راکت‌دن مدافعه سیستملری داها یاخشی‌دیر. لاکین بیر مسئله وار کی، اسرائیلین بو راکتلری باهالیدیر و آزدیر. بو سلاحلاری اؤزو استحصال ائتمیر. اونو آمریکا و آوروپالیلار استحصال ائدیب اسرائیله چاتدیرمالیدیر. ایران‌دا ایسه اوجوزدور و اؤزو استحصال ائدیر. اونا گؤره ده بعضیلری حساب ائدیر کی، قیسا راکت محاربه‌سینده اسرائیل، اما اوزون مدت‌لی محاربه‌ده ایران اوداجاق. اودور کی، پروکسی محاربه‌سی ایرانا صرف ائدیر و بو محاربه‌نی داوام ائتدیرمک ایستییر، لاکین راکت محاربه‌سیندن یاییناجاق».

مارکوو بیلدیریب کی، یاخین شرق‌ده اوزون مدت‌لی مناقیشه نووه سلاحینین ایشه دوشمه‌سی ایله یکونلاشا بیلر کی، بو، دونیا اؤلکه‌لری اوچون تهلوکه‌لی‌دیر:
«بؤیوک محاربه‌نین سناریسی بوندان عبارت‌دیر کی، اسرائیل و ایران بیر-بیرینه راکت هجوملاری ائدیر، اسکالاسییا باشلاییر، سونرا دیورسییا کاراکترلی ترور محاربه‌سی آپاریرلار. غرب بورادا چوخ چتین بیر وضعیتده قالمیش اولور. هم غرب ایکی محاربه‌نی مالیه‌لشدیرمک مجبوریتینده قالمالی اولاجاق. غربین هم اوکراینا-روسیا، هم ده ایران-اسرائیل محاربه‌سینه یئته‌جک سلاحی یوخدور. مجبور اولوب، اؤز حربی اقتصادیاتینی ایشه سالمالی اولار کی، بو دا اقتصادی سیستم‌ده گوجلو دییشیکلیک یاراداردی. سیاسی رسورسلاری دا توکنمیش اولار، ایکی محاربه‌نی عینی آندا آپارماق چتیندیر. محاربه داوام ائتسه، ایرانین قدرتی گئتدیکجه میدانا چیخاجاق. متفیق اسلام اؤلکه‌لری اونا طرف میل ائد‌جک و اسرائیلین موجودلوغونا گئتدیکجه تهلوکه یاراناجاق. بو ایسه غربی اؤز حربی کونتینگنتینی یاخین شرقه دؤیوشه گؤندرمه‌یه گتیریب چیخاردار.

داها بیر تهلوکه ایسه نفتین قیمتی ایله باغلی اولاجاق. یاخین شرق‌ده محاربه نفتین قیمتینه تأثیر ائده بیلر. آوروپا اقتصادیاتی نفت و گازین قیمتینین آرتماسی فونوندا بؤیوک چتینلیکله اوزلشه بیلر. حتی یاخین شرق‌ده حادثه‌لر نوه سلاحیندان استفاده‌یه کیمی انکشاف ائده بیلر. اسرائیل ایران‌دان هجوم تهلوکه‌سی گؤرسه، تردد ائتمه‌دن نوه سلاحینی ایشه سالاجاق. اولا بیلسین کی، ایران نووه تهلوکه‌سی اولاجاغیندان احتیاط ائتدیی اوچون اؤز اتم سلاحینین الده اولونماسینی سرعتلندیریر و نایل اولسا، او دا اسرائیلین نووه هجومونا جواب وئره‌جک کی، بو دا دنیادا گلوبال وضعیتی دییشر».