آذربایجان و ارمنیستان آراسین‌دا صلح سازشینین امضالانماسی ایکی اؤلکه و رگیون اوچون چوخ واجبدیر.

Axar.az خبر وئریر کی، بونو ایران خارجی ایشلر ناظیرینین معاونی مجید تخت روانچی دئییب.

«بیز ارمنیستان و آذربایجان آراسیندا صلح مقاوله‌سینین راضیلاشدیریلماسینین تماملانماسینی ائشیتدیکده چوخ سئویندیک، چونکی ایللر بویو قان و دشمنچی‌لیکدن سونرا آرتیق ایکی اؤلکه‌نین دقتینی گله‌جکده ایکی ملتین انکشافینا یؤنلتمک واختیدیر.

حساب ائدیریک کی، نه قدر تئز بو سازش امضالانارسا، هر ایکی اؤلکه و رگیون اوچون او قدر یاخشی اولار. بیز اونلارین ایشلرینه مداخله ائتمک ایسته‌میریک. اؤزلری قرار وئرملیدیرلر، اما بیزیم قیمتله‌ندیرمه‌میزه گؤره، نه قدر تئز بو سند امضالانسا، او قدر یاخشی اولار، چونکی کئچمیش کئچمیشده قالیر. بیز گله‌جه‌یه فوکوسلانمالییق. هم ارمنیستان، هم ده آذربایجان اوچون چوخ‌لو امکانلار وار.

بیز، قونشو اؤلکه‌لر اولاراق، هر ایکی ملتین انکشافینا دستک وئرمه‌یه حاضیریق. ایران هم ارمنیستان، هم ده آذربایجانلا دوستلوق مناسبتلری اولان بیر اؤلکه اولاراق بو سازشین امضالانماسی اوچون لازم اولان بوتون ایشلری گؤرمه‌یه حاضردیر. بیز حساب ائدیریک کی، هر ایکی اؤلکه بو فورصتدن استفاده ائتمه‌لیدیر. سند حاضر اولدوغو مرحله‌ده، اونو امضالاماق و گله‌جه‌یه دوغرو ایر‌لیله‌مک داها یاخشیدیر.

امید ائدیریک کی، بو حادثه کئچمیشده قالدی. بیز محاربه‌نین و مناقشه‌نین بو رگیونا قاییتماسینا امکان وئرمملییک. امید ائدیریک کی، بئله ده اولاجاق»، – دئیه او علاوه ائدیب.