آمریکا و اونون ۱۳ متفیقی بیرگه بیانات یایاراق اسلام رسپوبلیکاسینین کشفیات خدمتلرینین آرتان تهدیدلرینی پیسله‌ییب و اونلاری «ملی سوورنلیکلرینین آچیق شکیلده پوزولماسی» آدلاندیریب.

Axar.az خبر وئریر کی، بو حاق‌دا آمریکا دولت دپارتامنتی معلومات یاییب.

«بیز ایسلام رسپوبلیکاسینین کشفیات خدمتلرینین آوروپا و شمالی آمریکادا انسانلاری اؤلدورمک، اوغورلاماق و تعقیب ائتمک جهدلرینه قارشی همراییک. ایرانین بو حرکتلری سوورنلییمیزین آچیق شکیلده پوزولماسیدیر».،- بیاناتدا بیلدیریلیب.

ایولون ۳۱-ی آخشام قبول ائدیلن بیانات آمریکا، بؤیوک بریتانیا، آلبانیا، آوستریا، بلچیکا، کانادا، چخییا، دانمارکا، فینلاندیا، فرانسا، آلمانیا، هلند، اسپانیا و ایسوچ حکومتلری طرفین‌دن ایمضالانیب.

بیاناتی امضالایان اؤلکه‌لر وورغولاییرلار کی، اسلام رسپوبلیکاسینین کشفیات خدمتلری «آوروپا و شمالی آمریکادا ژورنالیستلری، سیاسی رقیبلرینی، یهودی وطنداشلارینی، حاضرکی و کئچمیش مأمورلاری هدفه آلماق اوچون بین‌الخالق جنایت تشکیلاتلاری ایله امکداشلیغینی گئتدیکجه داها چوخ آرتیریر».

ایران خاریجی ایشلر ناظرلیینین سؤزچوسو اسماعیل بقای ۱۴ اؤلکه‌نین بیرگه بیاناتینی «یالان اتهام» و «ایرانوفوبیک کامپانییانین» ترکیب حیصه‌سی آدلاندیریب.