شرقی آذربایجان ایالتینین توفارقان (آذرشهر) رایونونون "اخی جهان" کیمیا زاوودون‌دا گوج‌لو پارتلاییش و آردینجا یانغین اولوب.

Axar.az خبر وئریر کی، بو حاق‌دا یئرلی مدیا معلومات یاییب.

معلوماتا گؤره، پارتلاییش و گئنیش مقیاسلی یانغینین قارشی‌سینی آلماق اوچون توفارقان، تبریز، اوسکو، قوقان و ممقان شهرلرینین یانغینسؤندورنلری حادثه یئرینه گؤندریلیب.

ساعتلارلا داوام ائد‌ن عملیات‌دان سونرا یانغین نظارت آلتینا آلینسا دا، زاوودون آنبارین‌دا بؤیوک مقداردا کیمیوی مادده‌لرین موجودلوغو نظره آلیناراق، اکولوژی تهلوکه‌لر و ایکینجی درجه‌لی پارتلاییشلارین باش وئرجیی احتمالینین اولدوغو بیلدیریلیب.

یئرلی حاکمت ارگانلاری یاخین‌لیقداکی ساکنلردن حادثه یئریندن اوزاق دورماغی و نوبتی خبردارلیغا قدر حادثه یئرینه یاخین اراضیده حرکت ائتمه‌میی توصیه ائدیبلر.

رسمی معلوماتلاردا انسان تلفاتینین اولمادیغی بیلدیریلسه ده، یئرلی شاهدلر حادثه یئرینه چوخ سایدا تعجیلی طبی یاردیم ماشینلارینین جلب اولوندوغونو دئییبلر.