ملی ماراقلار نامینه آوروپا، قونشولاریمیز، شرق-غرب، حتی آمریکا ایله مناسبتلریمیزده گرگین‌لییی آزالتماغین عیبی یوخدور. بو بیزیم اوچون ضروری و مجبوریدیر. دوشمن‌چیلییی و گرگین‌لییی آزالتمالیییق.

Axar.az خبر وئریر کی، بونو ایرانین کئچمیش پرزیدنتی حسن روحانی دئییب.

او، مشاورلری ایله ۱۲ گونلوک ایران-اسرائیل محاربه‌سینین نتیجه‌لرینین مذاکره‌سینه حصر اولونان توپلانتی‌دا آمریکا ایله دانیشیقلارین واجیب اولدوغونو وورغولاییب.

روحانی سلاحلی قوه‌لرین سیاسی مسئله‌لره قارشیماسینی تنقید ائدیب:

"اگر بیز خالقین اراده‌سی ایله حرکت ائتمک ایستییریک‌سه، سلاحلی قوه‌لری اؤزلرینه خاص اولان وظیفه‌لره قایتارمالیییق. اقتصادیات، تبلیغات، داخلی سیاست، خاریجی سیاست سلاحلی قوه‌لرین ایشی دئییل. سلاحلی قوه‌لر اؤزلرینه خاص اولان وظیفه‌لری اجرا ائتمه‌لی و بو ساحه‌ده گوجلندیریلمه‌لیدیر".