ایراندا الکتریک چاتیشمازلیغی بحرانی و گاز تجهیزاتی ایله باغلی محدودیتلردن سونرا ایران تحصیل ناظرلیینین متخصصلری یئنی تدریس ایلینه ویرتوال و یا هیبرید فورماتدا (ویرتوال و شخصاً) باشلاماق امکانینی نظردن کئچیریرلر.
Axar.az خبر وئریر کی، بو حاقدا یئرلی سوسیال مئدیا پلاتفورمالاریندا معلوماتلار یاییلیب.
بیلدیریلیب کی، قرار هم مکتبلره، هم ده اونیورسیتتلره شامل ائدیله بیلر.
بونا سبب کیمی ایسه الکتریک انرژیسی و مایع گاز چاتیشمازلیغی گؤستریلیب، بیلدیریلیب کی، جاری تدریس ایلینده تحصیل اوجاقلارینین قیزدیریلماسی و انرژی تجهیزاتی اوچون لازیم اولان انرژینین تعمین اولونا بیلمهمهسی گؤزلنیلمیر.
معلوماتین یاییلماسیندان سونرا متخصصلر خبردارلیق ائدیب و بیلدریبلر کی، ویرتوال تحصیلین داوام ائتدیریلمهسی، خصوصیله ده آزتعمیناتلی اراضیلرده تحصیلین کیفیتینین آشاغی دوشمهسینه و تحصیلده برابرسیزلیین آرتماسینا سبب اولاجاق.