وطنداشلار سون ۱ ایلده باش وئره‌ن قیمت آرتیملارین‌دان، اینفلیاسییادان عصبیله‌شیر، ناراحات اولورلار و بونونلا باغلی پروبلئملر آچیق شکیل‌ده حس اولونور.

Axar.az خبر وئریر کی، بونو نمین، نیر و سرعین شهرلرینین ایران پارلامنتین‌ده‌کی نماینده‌سی صدیف بدری دئییب.

او، بو گون سحر اردبیل ایالتینین اینوئستورلاری و اقتصادی فعاللارینین پرزیدنتله گؤروشون‌ده چیخیش ائدیب و ناراضیلیقلارین آرتدیغینی بیلدیریب:

«بونا گؤره ده حکومت تئز بیر زامان‌دا بازاری دوزگون و سیستملی شکیل‌ده اداره ائتمه‌لی، حدین‌دن آرتیق قیمت آرتیمینین قارشی‌سینی آلمالی‌دیر، چونکی آنی و گونده‌لیک دییشیک‌لیکلر انسانلاری اولکین‌دن ده داها چوخ ناراحات ائدیب».

ایالت‌ده انرژی، خصوصیله الکتریک چاتیشمازلیغینا توخونان ملت وکیلی پرزیدنت‌دن پروبلئمین حلی اوچون عملی ایشلر گؤرولمه‌سینی طلب ائدیب.

قید ائدک کی، بوندان اول ایران پارلامنتینین صدری محمد باقر قالیباف دا مسعود پزشکیانی قیمت آرتیمی و اینفلییاسییایا گؤره قیناییب.