تهرانین اوین حبسخاناسین‌دا ساخلانیلان آذربایجانلی سیاسی محبوسلار حبسخانانین رئیسی هدایت‌الله فرزادی‌دن محکمه‌یه شکایت ائدیبلر.

Axar.az خبر وئریر کی، بونونلا باغلی انسان حاقلاری فعاللاری معلومات یاییب.

سیاسی محبوسلار محمود اوجاقلو، مرتضی پروین، طاهر نقوی، ودود اسدی و محمدرضا فقیهی بیلدیریبلر کی، اسرائیلین اوین حبسخاناسینی بومبالاماسیندان سونرا اولجه‌دن خبر وئریلمه‌دن و قانداللی شکیل‌ده دیگر سیاسی محبوسلارلا بیرلیک‌ده گئجه ساعتلاریندا بؤیوک تهران حبسخاناسینا کؤچورولوبلر.

اونلار بو کؤچورمه زامانی شخصی اشیالارینین ایتیریلدیینی و بو مسئله‌ده بیرباشا اوین حبسخاناسینین رئیسی‌نین مسئولیت داشیدیغینی وورغولاییبلار.