تهرانین اوین حبسخاناسیندا ساخلانیلان ملی فعاللار طاهر نقوی و ودود اسدی‌نین حیات یولداشلاری اعتراض آکسییاسی کئچیریبلر.

Axar.az خبر وئریر کی، بونونلا باغلی اونلار سوسیال مئدیا شبکه‌سینده معلومات یاییبلار.

سهیلا صدقیانی و زهرا اسدپور اوین حبسخاناسینین قارشیسیندا اوزرینده "طاهر نقوینی آزاد ائدین"، "ودود اسدینی آزاد ائدین" سؤزلری یازیلمیش پلاکاتلار قالدیراراق، حیات یولداشلارینین سربست بوراخیلماسینی طلب ائدیبلر.

قید ائدک کی، طاهر نقوی و ودود اسدی ۱۲ گوندور باره‌لرینده چیخاریلان عدالتسیز حؤکمه و طبی خدمتدن محروم ائدیلمه‌لرینه اعتراض اولاراق آجلیق آکسییاسی کئچیریرلر.

آدی چکیلن محبوسلار ۲۰۲۴-جو ایلین فورال آییندا حبس اولونوبلار.

اونلارا "ملی تهلوکه‌سیزلییه قارشی البیر اولماق"، "حکومته قارشی تبلیغات". "رهبری تحقیر ائتمک" و "جاسوسلوق" اتهاملارینا گؤره اوزون ایللیک حبس جزالاری وئریلیب.