تانینمیش آذربایجانل اکولوق و اطراف محیط متخصصی احمد بایبوردی ایران حکومتینی شرقی آذربایجان ایالتینین هیرکانی مئشه‌لرینده باش وئره‌ن یانغینلارین سببکارلارینی آشکار ائد‌رک جزالاندیرماغی طلب ائدیب.

Aar.az خبر وئریر کی، او، بونونلا باغلی اؤزونون X صحیفه‌سین‌ده یازیب.

"قاراداغ مئشه‌لرینی قصداً یاندیرانلار اطراف محیط جنایتی تؤرتمیشلر؛ هم آغاجلاری محو ائد‌ن، هم ده مینلرله جانلینی یاندیران بیر جینایته امضا آتیبلار"،- او بیلدیریب.

شرقی آذربایجان ایالتینین کند تصروفاتی و طبیعی ثروتلرین تدقیقات و تعلیم مرکزینین رهبری بایبوردی، مئشه یانغینلارینین ملی ثروتین محوی ائدیلمه‌سی اولدوغونو بیلدیریب:

"بو، ساده‌جه بیر "سهو" دئییل، هم ده ملی ثروتین قصداً محو ائدیلمه‌سی‌دیر. طلب آیدین‌دیر: درحال شخصیتین معین ائدیلمه‌سی، جدی حقوقی تدبیرلر گؤرولمه‌سی و اسطنتاقین نتیجه‌لرینین اجتیماعیته آچیقلانماسی".

قید ائدک کی، شرقی آذربایجان ایالتینین قاراداغ مئشه‌لرینین داوامی اولان جلفا بؤلگه‌سینده‌کی هیرکانی مئشه زولاغیندا ۶ گون داوام ائد‌ن یانغین نتیجه‌سینده ۱۰۰ هئکتاردان چوخ مئشه و اوتلاق اراضی محو اولوب.