۱۹۸۶-جی ایلده آمریکانین عراقلا محاربه‌ده اولان ایران حکومتینه گیزلی سلاح ساتیشینی افشا ائد‌ن "ایرانگیت قالماقالی" یوجین هاسئنفوس ۸۴ یاشین‌دا آمریکانین میچیقان ایالتینده وفات ائدیب.

Axar.az خبر وئریر کی، هاسنفوس نیکاراگوانین کونترا عصیان‌چیلارینا سلاح و تجهیزات وئرن گیزلی شبکه ایله علاقه‌لی بیر طیاره‌نین قضایا اوغراماسیندان سونرا ساغ قالان یگانه شخص اولماسی ایله مشهورلاشدی.

حادثه‌دن سونرا حبس ائدیلن هاسنفوس، سربست بوراخیلدیقدان سونراکی آچیقلامالاریندا رونالد ریگان آدمینیستراسییاسینین و ملی تهلوکه‌سیزلیک شوراسینین ایرانلا گیزلی علاقه‌لرینی افشا ائد‌ن آچیقلامالار وئریب.

او، واشینگتنو ایرانا گیزلی شکیل‌ده سلاح ساتماقدا و بوندان الده اولونان گلیرین بیر حصه‌سینی کنگرسین یاردیم ائتمه‌سینی قاداغان ائتدیی کونتراس شبکه‌سینه اؤتورمکده رولونو افشا ائدیب.

ویتنام‌دا خدمت ائتمیش هاسنفوسس اولجه نیکاراگوادا ۳۰ ایل حبس جزاسینا محکوم ائدیلیب، آنجاق بیر آی سونرا عفو ائدیلیب و آمریکایا قاییدیب. سونراکی ایللرده اونون باره‌سینده بیر نئچه حقوقی و جنایت ایشی آچیلیب.

قید ائدک کی، رونالد ریگانین پرزیدنت‌لییی دورونده آمریکا حکومتینین ایرانا گیزلی سلاح ساتماسینین افشاسین‌دان سونرا "ایران کونترا قالماقالی" ریگان حاکمیتینین روسوایچی‌لیغی کیمی تاریخه دوشوب.

۲۰ آوگوست ۱۹۸۵ - ۴ مارت ۱۹۸۷-جی تاریخینه کیمی رونالد ریگانین ملی تهلوکه‌سیزلیک مسئله‌لری اوزره مشاوری ماک فارلین گیزلی شکیل‌ده ایرانا سفرلر ائدیب، تهران رسمیلری ایله گؤروشوب و آمریکا سلاحلارینین بو اؤلکه‌یه چاتدیریلماسینا عملیاتینا باشچی‌لیق ائدیب.

گیزلی علاقه‌لرین اوستو آچیلدیقدان سونرا رونالد ریگان آدمینیستراسییاسی بونو لیوان‌دا گیروو ساخلانیلان آمریکا وطنداشلارینین آزاد ائدیلمه‌سینه نایل اولماق اوچون آپاریلان ایشلرین ترکیب حیصه‌سی اولدوغونو ادعا ائدیب.