آمریکادا تکنولوگییا سرلرینی اوغورلاییب ایرانا اؤتورمک اتهامی ایله اوچ مهندس حبس اولونوب.

Axar.az خبر وئریر کی، بو باره‌ده اف.ت.بی معلومات یاییب.

معلوماتا گؤره، سیلیکون وادیسین‌ده یاشایان اوچ مهندسین گوگل دا داخل اولماقلا تکنولوگیا شیرکتلریندن تجارت سرلرینی اوغورلاییب ایرانا اؤتورمک اتهامینا گؤره ساخلانیلیب.

ساخلانیلانلار سان ژوسه شهرین‌ده‌کی فدرال محکمه‌ده اتهام اولونوبلار و بعضی مئدیا قوروملارینین معلوماتینا گؤره اونلار ایران وطنداشلاری‌دیر.

اتهامنامه‌یه گؤره، تقصیرلندیریله‌ن شخصلر ایش وظیفه‌لریندن استفاده ائد‌رک پروسسور تهلوکه‌سیزلییی و شیفره‌له‌مه تکنولوگییالاری ایله باغلی مخفی معلوماتلارا داخل اولوبلار و بو معلوماتلاری شخصی حسابلارا و جهازلارا اؤتوروبلر. آمریکا حاکمیتی بیلدیریر کی، بو معلوماتلار داها سونرا خارجه، او جمله‌دن ایرانا اؤتورولوب.

بیلدیریلیب کی، تقصیرلندیریلن شخصلر جنایتلرینی گیزلتمک اوچون معلوماتلاری سیلمکله و محو ائتمکله، یالان معلومات وئرمکله و ثبوتلاری گیزلتمکله استنتاق و محکمه پروسسینی قصداً پوزوبلار.

«اتهاملار ثبوت اولونارسا، تقصیرلندیریلن شخصلر تجارت سرلرینی اوغورلادیغینا گؤره ۱۰ ایله قدر حبس و عدالته مانع اولدوغونا گؤره ۲۰ ایله قدر حبس جزاسی دا داخل اولماقلا آغیر حبسلره محکوم ائدیله‌جکلر»،- آمریکا پروکورورلوغو اعلان ائدیب.