ایران‌دان آذربایجان و تورکیه‌یه آتیلان راکتلرله باغلی گؤستریش وئرنلرین کیملیی آراشدیریلیر.

Axar.az خبر وئریر کی، بو فکرلری تورکیه بؤیوک ملت مجلسینین خارجی علاقه‌لر کمیسیاسینین صدری فواد اوقتای دئییب.

او بیلدیریب کی، بو هجوملارین ایرانا هئچ بیر فایداسی یوخ‌دور:

«آذربایجانلا تئز-تئز بو موضوع‌دا مذاکره‌لر آپاریریق. هم آذربایجانا، هم ده تورکیه‌یه ایران طرفیندن راکتلرین آتیلماسی اصلا باش وئرمه‌مه‌لی ایدی. چونکی آذربایجان و تورکیه بو محاربه‌نین معناسیز اولدوغونو ان گوج‌لو شکل‌ده ایفاده ائد‌ن اؤلکه‌لر سیراسیندادیر. بورادا تخریبات احتماللاری دا جدی شکل‌ده مذاکره اولونور. چونکی ایرانین بو ایکی اؤلکه‌یه هجوم ائتمه‌سینین اونا هئچ بیر فایداسی یوخ‌دور. مسعود پزشکیان دا آچیقلاماسین‌دا بیلدیریب کی، بو هجوملار ایران طرفیندن حیاتا کئچیریلمه‌ییب».

فواد اوقتای آذربایجان و تورکیه‌یه آتیلان راکتلرین کیمین گؤستریشی ایله حیاتا کئچیریلدیینین آراشدیریلماسینین واجب اولدوغونو وورغولاییب:

«بلی، راکتین ایران اراضی‌سیندن آتیلدیغی معلوم‌دور و دویمه‌یه باسان شخصین ایرانلی اولماسی ممکون‌دور. لاکن اساس مسئله اودور کی، همین دویمه‌یه کیمین گؤستریشی ایله باسیلدیغی آراشدیریلمالیدیر».