آمریکانین آلبانیاداکی سفیرلییی ایران رژیمی ایله علاقه‌لی گروپلارین آمریکایا باغلی قوروملاری و یا آلبانیاداکی ایران مخالفتینی هدف آلماغا چالیشا بیلجیی باره‌ده خبردارلیق ائدیب.

Axar.az خبر وئریر کی، بو باره‌ده آلبانیانین ای بی سی تلویزیا کانالی معلومات یاییب.

"اونلار همچینین توریستیک یئرلر، تجارت مرکزلری، هتل‌لر، کلوبلار و رستورانلار کیمی اجتماعی یئرلری ده هدفه آلا بیلرلر"،- خبردارلیق‌دا بیلدیریلیب.

آمریکاننین تیراناداکی سفیرلییی آمریکالیلاری و ایران مخالفلرینی احتیاط‌لی اولماغا چاغیریب:

«آییق اولون و اطرافینیزا دقت یئتیرین. تهلوکه‌سیزلیک پلانلارینیزی نظردن کئچیرین».

بونونلا یاناشی تهران رژیمینه مخالف ایران خالق مجاهدلری تشکیلاتی دوشرگه‌سینده‌کی عضولرینه اراضیلریندن نظارت‌سیز چیخیشلاری آزالتماق و یاخین شرق‌ده‌کی وضعیت یاخشیلاشانا قدر دوشرگه‌نین ایچریسین‌ده داها چوخ قالماق توصیه ائدیلیب.