روسییا کشفیاتی اسرائیل اراضی‌سینده یئرلشن کریتیک انرژی اینفراستروکتورو اوبیئکتلرینین اطرافلی سیاهی‌سینی ایرانا تقدیم ائدیب. سیاهییا ۵۵ اوبیئکت داخیل ائدیلیب.

Axar.az خبر وئریر کی، بو باره‌ده «اورشلیم پست» اوکراینا خصوصی خیدمت اورگانلارینا یاخین منبع‌یه استنادا معلومات یاییب.

بیلدیریلیر کی، بو معلومات تهرانا اسرائیلین انرژی سیستمینه دقیق ضربه‌لر ائندیرمک امکانی وئره بیلر. سیاهییا داخیل ائدیلن اوبیئکتلر استراتژی اهمیتینه گؤره اوچ کاتئگورییایا بؤلونوب. بیرینجی سوییه‌یه ان کریتیک استحصال اوبیئکتلری داخیل ائدیلیب:

«محض بو اوبیئکتلرین محو ائدیلمه‌سی ملی انرژی سیستمینی افلیج ائده بیلر. حسابات‌دا کنکرت اولاراق «اوروت رابین» الکتریک استانسییاسی اساس هدف کیمی گؤستریلیب.

ایکینجی سوییه‌لی هدفلر ایری شهر و صنایع انرژی قووشاقلاری‌دیر. بو اوبیئکتلر اساساً اسرائیلین مرکزی حیصه‌سین‌ده یئرلشیر و بؤیوک یاشاییش منطقه‌لرینه خیدمت ائدیر.

اوچونجو سوییه‌یه ایسه یئرلی اینفراستروکتور عایید ائدیلیب. بورایا صنایع زونالارینی و داها کیچیک الکتریک استانسییالارینی انرژی ایله تامین ائد‌ن رئگیونال یاریم‌استانسییالار داخیل‌دیر»، - معلومات‌دا قید اولونوب.

روسییا کشفیاتی بیلدیریب کی، اسرائیلین انرژی سیستمی یوکسک درجه‌ده ایزولیاسییا اولونوب و بو، اونون ضعیف طرفی‌دیر:

«اسرائیل قونشو اؤلکه‌لردن الکتریک انرژی‌سی ادخال ائتمه‌یه‌ن «انرژی آداسی» اولدوغونا گؤره، روسییا کشفیاتی ادعا ائدیر کی، حتی بیر نئچه اساس کومپونئنتین زده‌له‌نمه‌سی بئله تام و اوزون‌مددتلی انرژی چؤکوشونه سبب اولا بیلر. بو ایسه کوتلوی الکتریک کسینتیلرینه و آرادان قالدیریلماسی چتین اولان تکنیکی ناسازلیقلارا گتیریب چیخارار».