دومینیکا حکومتی علی شمخانینین اوغلو ابولفزل شمخانینین وطنداش‌لیغینی لغو ائدیب.

Axar.az خبر وئریر کی،بو باره‌ده دومینیکانین امک ناظری دارن پینارد معلومات وئریب.

معلوماتا گؤره، قرار شمخانینین دوبای‌دا تخمیناً ۲۹ میلیون دلار دیرینده لوکس املاک کومپلکسینه صاحب اولماق اوچون کاریب اؤلکه‌لرینه عاید تخلصلردن استفاده ائتدیی ادعالاریندان سونرا وئریلیب.

بیلدیریلیر کی، ابولفزل شمخانی «قیزیل پاسپورت» الده ائتمک اوچون آتاسینین ایران حاکمیتی ایله سیاسی علاقه‌لرینی گیزلتمکده اتهام اولونور. دومینیکا رسمیلری اونون ۲۰۲۰-جی ایلده وطنداشلیق آلدیغی زمان معلوماتلاری قصداً گیزلتدیینی قید ائدیبلر.

ابولفضل شمخانی‌یه «سامی هایک» تخلصو ایله وئریلمیش وطنداشلیغین درحال لغو ائدیلدیینی بیلدیریب. ناظره گؤره، شمخانی «حقیقتی گیزلتمکله» وطنداش‌لیق آلماغا نایل اولوب.

قید ائدک کی، ابولفضلین آتاسی علی شمخانی اوزون ایللر ایران حاکمیتین‌ده یوکسک وظیفه‌لرده چالیشیب و ایرانین عالی رهبرینین سیاسی مشاوری کیمی تانینیب.