آمریکا فدرال حاکمیتی لوس-آنجلس بین‌الخالق هوا لیمانیندا (لاخ) تورکییه‌یه اوچوشا مینمک ایسته‌یه‌ن ایرانلی قادینی حبس ائدیب.

Axar.az خبر وئریر کی، بو باره‌ده کالیفورنیا اوزره آمریکا پروکورورلوغو (دادستانی) معلومات یاییب.

معلوماتا گؤره، وودلند هیللس ساکینی اولان ۴۴ یاش‌لی شمیم مافی‌نین سودانا بمبا، سلاح، درون و سورسات داشینماسی اوچون سؤودلشمه‌لر تشکیل ائتدیی ادعا اولونور.

معلومات‌دا قید اولونور کی، او، سودان اوچون نظرده توتولان درونلار، بمبالار و میلیونلارلا پاترونلا باغلی مقاویله‌لرین باغلانماسیندا واسطه‌چی کیمی چیخیش ائدیب. دیگر ادعایا گؤره ایسه مافی البیرلریندن بیری ایله بیرلیکده سودان اوردوسونا ۵۵ مین بمبا دتوناتورو ساتیب.

قید ائدک کی، شمیم مافی سوسیال مئدیادا دبدبه‌لی حیاتینی نماییش ائتدیره‌ن فوتولار پایلاشیر، مختلف اؤلکه‌لره سفرلرینی و تخمیناً ۱۰۰ مین دلار دیرینده مرسدس-بنز روادستر آوتوموبیلی ایله شکیللرینی یاییملاییردی.