حقوقشناس و شرقی آذربایجان وکیللر کوللگییاسینین عضوو محمد طریقت اسفنجانی‌یه قارشی یئنی اتهام ایر‌لی سورولوب و جنایت ایشی آچیلیب.

Axar.az خبر وئریر کی، بو باره‌ده انسان حاقلاری تشکیلاتلاری معلومات یاییب.

معلوماتا گؤره، شرقی آذربایجان ایالتینین اسکو شهرینین اجتماعی و انقلاب پروکورورلوغو وکیله قارشی "انسانلاری زوراکی حرکتلر ائتمه‌یه تحریک ائتمک و تعلیم وئرمک"ده گوناهلاندیریب و اونون باره‌سینده حبس قراری وئریب.

وئریلن قراردا، محمد طریقت اسفنجانی‌نین شخصی سوسیال مئدیا حسابلارینداکی پایلاشیملاری و شرقی آذربایجان محکمه سیستمی‌نین تهلوکه‌سیزلیک بؤلمه‌سینین حساباتی فاکتلار کیمی قید اولونوب.

قید ائدک کی، بیر نئچه گون اول اسکو شهرینین انقلاب محکمه‌سی آذربایجانلی وکیله "سوسیال مئدیادا حکومت علیهینه تبلیغات" و "اؤلکه رهبری و خمینی‌نی تحقیر ائتمک" اتهاملارینا گؤره ۳ ایل حبس جزاسی وئریب.