اسرائیل ایرانین آمریکا پرزیدنتی دونالد ترامپا قارشی حاضرلادیغی ادعا ائدیلن یئنی سوء-قصد پلانی ایله باغلی کشفیات معلوماتلارینی واشینگتنلا بؤلوشوب.

Axar.az خبر وئریر کی، بو باره‌ده «وال ایستریت ژورنال» منبع‌لره استنادلا معلومات یاییب.

معلوماتا گؤره، ایران ۲۰۲۰-جی ایلده آمریکانین سپاه "قدس" قوه‌لرینین کوماندانی گنرال قاسم سولئیمانینی اؤلدورمه‌سیندن سونرا ترامپی آچیق شکیل‌ده هدفه آلاجاغینی دفعه‌لرله بیان ائدیب. ترامپین اؤلدورولمه‌سینه چاغیریشلار ایرانین عالی دینی لیدری علی خامنینین دفن مراسیملری چرچیوه‌سینده ده سسلندیریلیب.

حسابات‌دا قید اولونور کی، اسرائیلین بو کشفیات معلوماتینی آمریکایا نه واخت و هانسی کانال واسطه‌سیله اؤتوردویو هله‌لیک معلوم دئییل.

دونالد ترامپ سون ایللرده بیر نئچه سوء-قصد جهدینین هدفی اولوب. اونلاردان ان سس-کویلوسو ۲۰۲۴-جو ایلده باش وئرن سلاحلی هجوم ایدی. همین حادثه زمانی آتیلان گوله اونون قولاغینی جزعی شکیل‌ده یارالامیشدی.

ترامپ بو هفته اؤزونه قارشی موجود تهدیدلره توخوناراق بئله دئییب:

"من اونلارین بوتون سیاهیلاریندایام. بو سحر گؤردوم کی، اونلارین هر بیر سیاهی‌سیندا آدیم وار. ایندیدک بیر قدر شانس‌لی اولموشام، اما بو، اوزون مدت داوام ائتمه‌یه ده بیلر».