ایران پارلامنتینین ملی تهلوکه‌سیزلیک و خارجی سیاست کمیسیاسینین عضوو اسماعیل کوثری اماراتی آمریکانین ایرانا قارشی سون هجوملارین‌دا امکداشلیق ائتمک‌ده اتهام ائد‌رک، بونون «جدی نتیجه‌لری» اولاجاغینی بیلدیریب.

Axar.az خبر وئریر کی، بو باره‌ده او، «فارس» خبر آگنتلیینه مصاحبه‌سین‌ده دئییب.

ملت وکیلی اماراتی «بو تهلوکه‌لی آددیملاری دایاندیرماغا» چاغیراراق، عکس حالدا اؤلکه‌نین اینفراستروکتورونون سرت جوابلا اوزلشجیینی ادعا ائدیب:

«امارات آمریکا عملیاتلاری اوچون تکجه اؤز حربی بازالارینی دئییل، هم ده لوچستیک دستیینی وئریب. ایران سلاح‌لی قوه‌لری باش قرارگاهینین موقعینه اساساً، ایرانا قارشی هجوملارین حیاتا کئچیریلمه‌سی اوچون استفاده ائدیلن ایسته‌نیلن اراضی قانونی حربی هدف ساییلاجاق و نفت-گاز اینفراستروکتورو و نقلیات شبکه‌لری ده ممکن جواب تدبیرلرینین هدفینه چئوریله بیلر».

اونون سؤزلرینه گؤره، بو جور آددیملار ایران اوچون «قیرمیزی خط» حساب اولونور.