ایران کشفیات ناظرلییی خاریجی اؤلکه‌لرده فعالیت گؤسترن ایران‌لیلارین تاسیس ائتدیی مخالفت مئدیا اورگانلاری، بیر نئچه خارجی اؤلکه‌نین ایرانلا علاقه‌لی مئدیا قوروملاری و ایران‌لی مئدیا فعاللارینین سیاهی‌سینی یاییب.

Axar.az خبر وئریر کی، بو باره‌ده ناظرلیین یایدیغی بیانات‌دا بیلدیریلیب.

آدلاری آچیق‌لانان مئدیا قوروملاری و فعاللاری ایله ایسته‌نیلن فورمادا علاقه‌ده اولان، اونلارا معلومات، مئساژ، فوتو و ویدئو گؤندره‌ن شخصلرین «جاسوسلوغا گؤره جزانین آرتیریلماسی حاقین‌دا قانونون ۴-جو ماده‌سینه» اساساً آغیر جزالاندیریلاجاقلاری باره‌ده خبردارلیق ائدیلیب.

۴۳ مئدیا قورومونون آدینین اولدوغو همین سیاهیا اسرائیلین بیر نئچه تلویزیا کانالی، بی.بی.سی، «آمریکانین سسی»، «آزادلیق» رادیوسو و ب. آدلار دا داخل ائدیلیب.

بیر نئچه گونئی آذربایجان‌لی سیاسی و مئدیا فعالی، او جمله‌دن مرکزی اوفیسی آمریکادا یئرلشن گوناز تی.وی-نین ده (گونئی آذربایجان تلویزیاسی) آدی بو سیاهیدادیر.