دنیادا اهالی‌سینین ان سیگارئت و توتون معمولاتلاریندان استفاده ائد‌ن اؤلکه‌لرین آدلاری آچیقلانیب.

Axar.az خبر وئریر کی، بو باره‌ده بین‌الخالق صحیه تشکیلاتلارینین حساباتن‌دا بیلدیریلیب.

حساباتلارا گؤره، آلمانیا اهالی‌سینین ۴۲%، چینین ۴۲%، اسپانییانین ۴۰%، آمریکانین ۳۸%، هیندیستانین ۳۶%، برازیلییانین ۲۶% و جنوبی کوریانین وطنداشلارینین ایسه ۲۵%-ی سیگارت و باشقا توتون معمولاتلاریندان استفاده ائدیرلر.

معلوماتلارا گؤره، ایران اهالی‌سینین ایسه ۱۵%-نین (۱۲ میلیون) توتون محصوللاریندان استفاده ائتدیی، بونون ۲۵%-ی کیشیلر،۴.۵%-ی ایسه قادینلار تشکیل وئریر.

آذربایجان رسپوبلیکاسینین سیگارت و توتون معمولاتلاریندان استفاده ائد‌ن وطنداشلاری ایسه اؤلکه اهالی‌سینین ۲۰%-نی تشکیل ائدیر. کیشیلرین ایسه ۳۲%-ی توتون معمولاتلاری آلوده‌چیسی‌دیر.

قید ائدک کی، رسمی ایستاتیستیکایا گؤره، ایران‌دا مختلف نوع نارکوتیک ماده‌لردن استفاده ائد‌نلرین سایی ۳،۸۰۰،۰۰۰ نفردیر و بونون ۹%-ی قادین نارکومانلاردان عبارتدیر.

آذربایجان رسپوبلیکاسین‌دا ایسه نارکوتیک آلوده‌چیلرینین سایینین ۳۴ مین نفر جیواریندا اولدوغو، بونون ۶۰۰ نفرینی قادینلارین تشکیل ائتدیی و جمعیت نسبتینی ده نظره آلماق شرطیله بو رقهمین ایرانلا مقایسه‌ده تخمیناً ۱۰ دفعه آز اولدوغو بیلدیریلیر.