واشینگتنون مقصدی ساده‌جه آمریکا عسگرلرینین اؤلومونون قصاصینی آلماق دئییل، سپاه-ی تمامیله محو ائتمک اولمالیدیر.

Axar.az خبر وئریر کی، بونو آمریکانین کئچمیش ملی تهلوکه‌سیزلیک مشاوری جون بولتون دئییب.

او، سپاهین حربی عملیاتلار آپاردیغینی و اسلام رسپوبلیکاسینین مولکی لیدرلری ایله آمریکا آراسیندا دانیشیقلارین اهمیتسیز اولدوغونو وورغولاییب.

بولتونون سؤزلرینه گؤره، ایران‌دا رژیمی دییشدیرمیین و صلحون برقرار اولماسینین یگانه یولو سپاهین راکت، پیلوتسوز طیاره و نووه امکانلارینی تمامیله محو ائتمک‌دیر.

"آمریکا حکومته داخلی تضییقی آرتیرماق اوچون کردلر، بلوچلار و دیگر اتنیک گروپلار دا داخل اولماقلا، ایران داخلین‌ده‌کی مخالفتله ایشله‌مه‌لیدیر"،- کئچمیش ملی تهلوکه‌سیزلیک مشاوری توصیه ائدیب.

او، همچینین نفت سانکسیالارینین برپاسینی و ایران لیمانلارینین دنیز بلوکاداسینی ایرانین سپاه، قدس قوه‌لری و "بسیج"ی مالیه‌لشدیمه‌سینین قارشی‌سینی آلماق اوچون تأثیرلی بیر تدبیر آدلاندیریب.