آذربایجانین خارجی ایشلر ناظیری جیحون بایراموو روسیا پرزیدنتینین کمکچیسی، پرزیدنتین اقلیم مسئله‌لری اوزره خصوصی نماینده‌سی روسلان ادلگریئوی قبول ائدیب.

Axar.az خبر وئریر کی، بو باره‌ده آذربایجان خارجی ایشلر ناظیرلیی معلومات یاییب.

گؤروش زمانی آذربایجان ایله روسیا آراسیندا اقلیم دییشیکلیی ایله مبارزه ساحه‌سینده امکداشلیق، کوپ مسئله‌لری، هابئله قارشی‌لیقلی ماراق دوغوران رگیونال و بین‌الخالق موضوع‌لار مذاکره اولونوب.

ناظیر جیحون بایراموو کوپ-۲۹ صدرلیی چرچیوه‌سینده آذربایجانین قازاندیغی تجربه و الده ائتدیی نتیجه‌لر، اؤلکه‌میزین کوپ-۳۱-این صدرلیینی حیاتا کئچیرجک آوسترالیا و ائو صاحبی تورکیه ایله سیخ امکداشلیغی باره‌ده معلومات وئریب.

گؤروشده خزر دنیزی اوزره ایکی‌طرفلی امکداشلیق مسئله‌لرینه ده توخونولوب. بو چرچیوه‌ده خزر دنیزی ایله باغلی یارادیلمیش ایکی‌طرفلی ایشچی گروپونون فعالیتینین اینتنسیولشدیریلمه‌سینین اهمیتی وورغولانیب.

خزر دنیزینین سو احتیاطلارینین و اونیکال اکوسیستمینین قورونماسینین واجبلیی قید ائدیله‌رک، بو استقامتده، او جمله‌دن کند تصرفاتی ساحه‌سینده ایننوواتیو تخنولوگیالارین تطبیقی و بیرگه لاییحه‌لرین حیاتا کئچیریلمه‌سینین اهمیتی دقته چاتدیریلیب.

گؤروش زمانی همچنین قارشی‌لیقلی ماراق دوغوران دیگر ایکی‌طرفلی مسئله‌لر اطرافیندا دا فکر مبادله‌سی آپاریلیب.