ایولون ۲۶-دا سپاهین کشفیات بؤلمه‌سینین امکداشلاری کردستان ایالتینین بانا-مریوان یولوندا بیر عائله‌نین اولدوغو مینیک آوتوموبیلینه آتش آچیب.

Axar.az خبر وئریر کی، بو باره‌ده انسان حاقلاری تشکیلاتلاری معلومات یاییب.

معلوماتا گؤره، آتش نتیجه‌سینده کئچمیش سیاسی محبوس و فوتوگرافچی مهدی توکلی، باجیسی سمیه توکلی و آنالاری مریم اصلانی حادثه یئرینده اؤلوبلر.

"سپاه اونلارین مئیتلرینین وئریلمه‌سی اوچون یاخینلارینا شرط ایر‌لی سوروب، مسئله‌نین اصیل ماهیتینین اجتماعی‌لشدیریلمه‌مه‌سی و حادثه‌نین یول قضاسی سببین‌دن باش وئردیینی دئمه‌لری طلب ائدیلیب"،- معلوماتدا بیلدیریلیب.

اؤلدورولن شخصلر ایولون ۲۷-ده تهلوکه‌سیزلیک تدبیرلری آلتیندا و آز آدامین اشتراکی ایله سندجین بهشت محمدی قبرستانلیغیندا دفن اولونوبلار.

حکومتین بعضی نشرلری ایسه همین شخصلرین سلاحلی کرد گروپلاشمالاریندان بیری ایله قارشی‌دورما نتیجه‌سینده هلاک اولدوقلارینی ادعا ائدیبلر.