بو گون ایرانین خارجی ایشلر ناظری عباس عراقچی ایله کؤرفزده‌کی وضعیت، ائلجه ده روسیانین سون گونلرده اوکراینایا قارشی داها دا شدتلندیردیی محاربه‌سی باره‌ده تلفنلا دانیشدیم.

Axar.az خبر وئریر کی، بونو آوروپا بیرلیینین خارجی سیاست رهبری کایا کالاس اؤزونون ایکس صحیفه‌سینده یازیب.

«کؤرفزده دؤیوشلردن امتنا واسطه‌چیلره دیپلماتیایا قاییتماق و تام مقیاس‌لی محاربه‌نین قارشی‌سینی آلماق اوچون واخت قازاندیرا بیلر. تهران‌دا فرانسیز دیپلماتلارینا قارشی تجاوزون قبول ائدیلمز اولدوغونو آچیق شکیل‌ده بیلدیردیم. بوتون آوروپا بیرلییی دولتلری بو حرکتلری پیسله‌ییب.

گرگین‌لییی آزالتماق اوچون اوکراینا خارجی ایشلر ناظری آندری سیبیگانین عراقچی ایله دانیشماسی اورکاچاندیر. من بو سعیلری دستکله‌مه‌یه حاضرام.

ایرانا روسیایا حربی دستیینی دایاندیرماق چاغیریشیمی تکرارلادیم. مسکوا اوکراینادا گئتدیکجه داها چوخ مولکی شخصی اؤلدورور و آلدیغی هر هانسی تجهیزات داها چوخ ملکی شخصین اؤلدورولمه‌سینه کمک ائدیر. اوکراینانین اؤزونو مدافعه ائتمک حقوقو وار»، - او بیلدیریب.

قید ائدک کی، اوکراینا روسیا و ایران آراسیندا سلاح داشینماسی ایله مشغول اولان ایران یوک گمی‌سینی خزر دنیزینده ووروب. نتیجه‌ده بیر نفر اؤلوب، ۲ نفر یارالانیب.