بو گون سحر ساعتلاریندا سیستان و بلوچستان ایالتینین ایرانشهر شهرینده پلیس قوه‌لرینه سلاحلی هجوم اولوب.

Axar.az خبر وئریر کی، بو باره‌ده بلوچستان انسان حقوقلارینی سندلشدیرمه شبکه‌سی معلومات یاییب.

معلوماتا گؤره، ۳ مینیک آوتوموبیلینده اولان نامعلوم سلاحلیلار یوخلاما منطقه‌سینده اولان پلیسلره آتش آچیب.

قارشی‌دورما نتیجه‌سینده بیر نئچه پلیس امکداشینین اؤلدویو، بیر نئچه‌سینین ایسه یارالاندیغی بیلدیریلیب.

ایرانین رسمی دولت مئدیاسی هلاک اولانلاردان بیری، پلیس ظابطی میثم کرمینین هجوم نتیجه‌سین‌ده اؤلدویونو تصدیق ائدیب.

هجومون‌دان سونرا سلاح‌لیلار حادثه یئریندن اوزاقلاشیبلار، اونلارین ساخلانیلماسی اوچون عملیات باشلادیلیب.

هله‌لیک هئچ بیر گروپلاشما هجومون مسئولیتینی اؤز اوزرینه گؤتورمه‌ییب.