ایرانین آذربایجان رسپوبلیکاسینین وطنداشلارینی هدف آلماق اوچون یاییملادیغی "سحر آذری" کانالی آمریکادا محبوسلارین اعدام ائدیلمه‌سیندن ناراحت‌دیر.

Axar.az خبر وئریر کی، بو حاق‌دا کانالین یایدیغی معلومات‌دا بیلدیریلیر.

"فلوریدا اشتاتینین محکمه‌سی عؤمورلرینین ۴۰ ایلینی محکمه‌ده کئچیرمیش ۸۰ یاشلی و ۶۸ یاشلی ایکی محبوسو اعدام ائتدی. فلوریدا آمریکا اشتاتلاری آراسیندا اعداملارین سایینا گؤره بیرینجی یئرده‌دیر"،- کانال قید ائدیب.

جاری ایلین اولیندن آمریکادا حیاتا کئچیریله‌ن اعداملارین ۶۷ فایزینین محض بو اشتاتین پایینا دوشدویونو دئیه‌ن سحر آذری، آمریکالی محبوسلارین طالع‌یینه گؤره ناراحاتلیغینی ایفاده ائدیب.

قید ائدک کی، ۲۰۲۶-جی ایلین اولیندن ایولون ۲۹-آ کیمی ۳۴۹ میلیون نفردن چوخ اهالی‌سی اولان آمریکادا عمومی‌لیکده ۱۹ نفر اعدام ائدیلیب.

همین دور عرضینده ایسه ۹۰ میلیون اهالی‌سی اولان ایراندا ۹۰۰-دن چوخ محبوس دار آغاجیندان آسیلیب، انسان حاقلاری تشکیلاتلاری اونلارین ۴۰۰-دن چوخونون کیملیینی معیینلشدیره بیلیبلر.