بو جور ادعالاری ایر‌لی سوره‌نلر رئال‌لیغی قصداً تحریف ائتمه‌یه چالیشیرلار. بئش آی اول آمریکانین حربی تجاوزونه معروض قالدیق. بیز یئنی بیر جبهه آچدیقمی؟

Axar.az خبر وئریر کی، بونو ایرانین خارجی ایشلر ناظرلیینین سؤزچوسو اسماعیل بقایی ایرانین یمه‌نله مناسبتلری باره‌ده دانیشارکه‌ن دئییب.

«یمن مسئله‌سینی ایرانا قارشی محاربه ایله علاقه‌لندیرمک مسئولیت‌دن یایینماق جهدیدیر. آمریکا و صهیونیست رژیم ایلک گونلردن اعتباراً رگیون اؤلکه‌لرینین اراضیلریندن استفاده ائدیردی. بیز یئنی بیر جبهه آچدیقمی؟

یمن مسئله‌سی یمنین اؤزونه عایددیر. بیز اوزون مدت‌دیر بیلدیریریک کی، بو مسئله دیالوگ یولو ایله حل ائدیلمه‌لیدیر. هر بیر مسئله‌نی ایرانا قارشی محاربه ایله علاقه‌له‌ندیرمک مسئولیت‌دن یایینماغین بیر یولودور»، - او بیلدیریب.

قید ائدک کی، یمنین بیر حصه‌سینی اله کئچیرمیش انصاروللاه (حوثیلر) حربی-سیاسی گروپلاشماسی ایران طرفیندن دستکلنیر.