من فالچی دئییلم، آنجاق گون کیمی آیدین‌دیر کی، بنیامین نتانیاهو دونالد ترامپلا گؤروشونده اونا اوچ مسئله باره‌ده دانیشیب و ایرانا هجوما تشویق ائدیب.

Axar.az خبر وئریر کی، بونو اردبیلین جمعه امامی حسن آملی دئییب.

"نتانیاهو ترامپی ایران‌دا محاربه و دانیشیق طرفدارلاری آراسیندا اختلاف اولدوغونا ایناندیرماغا چالیشیب، ایرانین کوه کلنگ داغیندا یئنی نووه تاسیساتین‌دا اتم بمباسی الده ائتمه‌یه حاضرلشدیغینی دئییب، و اسرائیلین ایران راکتلرینین آمریکایا چاتماسینین قارشیسینین آلینماسیندا اهمیتلی رول اوینایغینی ادعا ائدیب"،- خامنه‌اینین اردبیل ایالتینده‌کی نماینده‌سی علاوه ائدیب.

او، دولایی یوللا دانیشیق طرفدارلارینی دا تنقید ائدیب و حاکمیتی‌ده تمثیل اولونان همین گروپون "صلح اوچون هر شئیی تحویل وئرمه‌یه حاضر اولدوقلارینی" سؤیله‌ییب.