ایرانین ترکمنستان‌داکی سفیری علی مجتبی روزبهانی تهرانین آمریکا طرفین‌دن تطبیق ائدیلن اقتصادی بلوکادایا قارشی مبارزه آپارماق اوچون گؤردویو تدبیرلری آچیقلاییب.

Axar.az خبر وئریر کی، بو باره‌ده او، بریفینگ زمانی آچیقلاما وئریب.

"آمریکانین اقتصادی سانکسیالارینا قارشی مبارزه آپارماق اوچون افکتیو تدبیرلر گؤرولور. اساس امکداشلیغیمیز نقلیات و ترانزیت ساحه‌لریدیر"، - دئیه او بیلدیریب.

روزبهانینین سؤزلرینه گؤره، تهران رگیون اؤلکه‌لری ایله امکداشلیغی انکشاف ائتدیرمه‌یه چالیشیر، همچینین شانگهای تشکیلاتی و بریکس کیمی رئگیونال تشکیلاتلارلا امکداش‌لیق ائد‌رک انکشاف ائدیر و ایرلیلییر. سفیر قید ائدیب کی، تهران آمریکا طرفیندن تطبیق ائدیلن سانکسیالاری "اقتصادی تروریزم" حساب ائدیر.

دیپلمات بیلدیریب کی، ایرانین جغرافی موقعی اؤلکه‌نین سانکسیالارا قارشی مقاومت گؤسترمه‌سینه کمک ائدیر، تهران ۱۵ اؤلکه ایله مناسبتلر ساخلاییر و اونلارلا محصولدار امکداشلیق ائدیر.