آتاملا آنامین او دیالوگو هئچ یادیمدان چیخمیر.

آخار.آذ خبر وئریر کی, بو سؤزلری میللت وکیلی قنیره پاشایئوا "گئرییه باخاندا" وئرلیشینده دانیشارکن دئییب. او, والیدئینلری نین فداکارلیغینی اونودا بیلمه دییینی بیلدیریب:

"ایکینجی صینیف ده اوخویاندا موسیقی مکتبینه گئدردیم. منه پیانو آلماق لازیمیدی. اوتورموشدوم ائوده, قونشو اوتاقدان آتاملا آنامین هئچ واخت یادیمدان چیخمایان دیالوگونو ائشیتدیم. آنام آتاما دئییردی: "اگر او پیانونو آلساق, ائوده پولوموز قالمایاجاق. قیش گلیر, ایستی پالتارلار آلماق لازیمدیر, خئییر وار, شرّ وار, پول لازیمدیر". آتام ایسه آناما دئدی: "عیبی یوخ, قوی بو ایل تَزه پالتار آلمایاق, آز یئیه ک, ایچه ک, آمما قیزا او پیانونو موطلق آلاق". آتام بیزیم تحصیلیمیزه همیشه چوخ اؤنم وئریب".