ائنئرگئتیکا ناظیری ناطیق علییو اوپئک و تشکیلاتا عوضو اولمایان اؤلکه لر آراسیندا نئفت حاصیلاتی نین آزادیلماسی ایله باغلی موقاویله نین بو گون یئکونلاشدیریلماسینی گؤزله ییر.

ترئندین معلوماتینا گؤره, بونو علییو "رییا نووستی" آگئنتلی یینه آچیقلاماسیندا دئییب.

ناظیرین سؤزلرینه گؤره, بوگونکی گؤروشدن گؤزلنتی لری موثبتدیر. "آنجاق دوشونرم کی, بیز بو گؤروشون نتیجه سیندن آسیلی اولمایاراق, سعی لریمیزی دوام ائتدیرمه لییک".

قئید ائده ک کی, بو گون وییانادا اوپئک له تشکیلاتا عوضو اولمایان نئفت اؤلکه لرینین ایجلاسی کئچیریله جک. بو گؤروشون موسکووادا کئچیریلمه سی پلانلاشدیریلسا دا, داها سونرا تاخیره سالیناراق دئکابرین 10-او وییانایا کئچیریلمیشدی.

نویابرین 30-دا اوپئک عوضو اولان اؤله لرین وییانا ساممیتینده نئفت بازاریندا قیمتلرین ثابیت لشمه سی مقصدی ایله حاصیلاتین گلن ایلین یانواریندان 1.2 میلیون بارئل آزالداراق, 32.5 میلیون بارئل سوییه سینه چاتدیرماقلا علاقه دار راضیلیق اَلده اولونوب. سازیش کارتئله داخیل اولمایان اؤلکه لرین ایسه گونده لیک حلصیلاتی 600 مین باررئل آزالتمالارینی نظرده توتور.