آستانا ساممیتی سورییا پروبلیمی ایله باغلی موسکوادا باش توتان گؤروشون داوامی‌دیر.

بونو آخار. آذ-آ آچیقلاماسین‌دا پولیتولوگ ایلقار ولی‌زاده دئییب. ائکسپئرتین سؤزلرینه گؤره، آستانا ساممیتی سورییا ایله باغلی روسییا و تورکییه آراسین‌دا فیکیر آیری‌لیغینا گتیریب چیخاران سببلری آرادان قالدیرماق و یئنی بیر دوروم یاراتماق باخیمیندان مهم رول اوینایا بیلر:

«روسییا و تورکییه‌نین سورییا ایله باغلی ماراقلاری توققوشور. بوندان اؤنجه روسییا، ایران و تورکییه خاریجی ایشلر ناظیرلرینین ایشتیراکی ایله باش توتان موسکوا گؤروشو ده محض بونا حئسابلانمیش‌دی. آستانا ساممیتی ده سورییا پروبلیمی ایله باغلی موسکوادا باش توتان گؤروشون داوامی‌دیر. اساس مقصد طرفلرین بو وضعیت‌دن ماکزیموم ایتکی‌سیز چیخماسین‌دان عبارت‌دیر. اساس ضدیتلردن بیری پ ی د (کورد سیلاحلی دسته لری) ایله باغلی‌دیر. چوخ گومان کی، آستانادا طرفلر اساس دانیشیقلاری محض پ ی د اطرافین‌دا آپاراجاقلار. ایشید-له (داعش) باغلی فیکیرلر تام اوست-اوسته دوشسه ده، پ ی د مسئله‌سین‌ده پروبلئملر یاشانیر.

طرفلر تهلوکه‌سیزلیکله باغلی دا هانسی‌سا بیر فورمول تاپماغا چالیشاجاقلار. چونکی سون طییاره حادثه‌سی گؤستریر کی، هم روسییا، هم ده تورکییه اوچون تهلوکه عینی یئردن گلیر. بونونلا باغلی هانسی‌سا فورمول حاقین‌دا فیکیر موبادیله‌سی استثنا ائدیلمیر».