خالق آرتیستی فلورا کریمووایا بوتون تئلئویزییالار ائفیر قاداغاسی قویوب.

بو باره‌ده موساوات .کام-آ دانیشان خالق آرتیستینین سؤزلرینه گؤره، ائفیر قاداغاسینین سببی همکاری زئینب خانلارووا حاقیندا دئدیی فیکیرلر اولوب:

«هر یئرده منه قاداغا قویولوب، کئچمیشده‌کی کیمی... زئینب خانلارووا اونودور کی، من اونا نیسه قاسیمووا دئییلم آذربایجاندان ایللرله دیدرگین ائتسین. منیم بو میللته، تورپاغا حاقیم وار. آچیق سؤزه، فیکریمه گؤره قورخمادان هانسیسا آددیمی آتماغا حاقیم وار. او حاقیمی زئینب دئییل، زئینبین زئینبی گلسین، الیمدن آلا بیلمز.

منیم دیلیمدن اونون مرحوم پرئزیدئنت حیدر علیئوه قارشی اولان اعتبارسیزلیغی آچیقلانان‌دان سونرا تئلئویزییا کاناللاری منه ائفیر قاداغاسی قویوب. بو یوللا کولدا گیزله نیب، اؤزگه‌نین الی ایله منی سوسدورماق ایسته‌دی. او، حقیقت‌دن قورخدو. بیر ده هر کسین بیلدیی »شکی احوالاتی"نی آچیقلایاجاغیم‌دان قورخدو.

منی سوسدورماغا اوردئنلری یان-یانا دوزه‌ن زئینبین ده گوجو چاتماز. ناحاق یئره بئله ائتدی، میندیردی منی جین آتینا... هارالاراسا یوخاریلارا دیرماشیب. اونلار دا یا مطبوعات شوراسینا دیرماشیب، یا دا هانسیسا بیر یوخاریلارا... اما دخلی یوخ‌دور، منی سوسدورا بیلمز. اوتورموشدوم بیر کناردا... سیاست‌دن چوخدان گئدن بیر اینسانی جین آتینا میندیرمه‌سین".

خاطیرلاداق کی، اؤتن ایلین خالق آرتیستی فلورا کریمووا همکاری زئینب خانلارووا حاقیندا آغیر اتهاملار سسله ندیرمیشدی.