بعضی گنجلرین آنا دیلینده سلیس دانیشا بیلمه‌مه‌سی حالینی بوتون گنجلره عایید ائتمک دوزگون دئییل.

بونو شرق. آذ-آ آذربایجاندا اکثر گنجلرین آنا دیلینده سلیس دانیشا بیلمه‌مه‌سی مسئله‌سینه مناسیبت بیلدیررکه‌ن تانینمیش تئله ژورنالیست، پروفسسور قولو محرملی دئییب.

پروفسورون سؤزلرینه گؤره، بعضی گنجلریمیز وار کی، اینگیلیس و روس دیللرینین تأثیری آلتیندا قالاراق آذربایجان دیلین‌ده فیکیرلرینی دوغرو-دوروست ایفاده ائده بیلمیرلر:

"عمومیتله، دیلده بئله کنار تاثیرلرین مؤجودلوغونو دانماق اولماز. ساده‌جه اولاراق، آذربایجان دیلینه بیزده سایغی‌سیزلیق یارانیب. بو ساحه‌ده گنجلرین عمومی دونیا گؤروشو ده آزدیر. حتی چوخ گنجلرده اینتلکت کاسادلیغی وار. بونا گؤره همین گنجلرین دانیشیغی و داورانیشی بیزه بسیط گؤرونور. حساب ائدیره‌م کی، بونو تکجه دیلین اوزرینه ده ییخمامالیییق. تفکور پروبلمی ده وار. مسئله نین بیر کؤکو ده بورادادیر. خصوصیله گنجلرده آنا دیلینه سایغی آزالیب. آذربایجان دیلینین اونلار اوچون گرکلی دیل اولدوغونو درک ائتمیرلر، گؤرمورلر. بو بیر آز دا پراکتیکادان قایناقلانیر».