بو گون نوروز بایرامینین سونونجو - ایل‌آخیر چرشنبه‌سی (تورپاق چرشنبه‌سی) قید اولونور.

Axar.az خاطیرلادیر کی، دیگر چرشنبه‌لردن فرقلی اولاراق، خالق آخیرینجی چرشنبه‌نی خصوصی طنطنه ایله قید ائدیر.

ایل‌آخیر چرشنبه‌ده بوتون گونو داوام ائد‌ن مراسم آخشام شنلیکلری ایله داها دا گورلاشیر. اوزرلیک یاندیریلیر، تونقاللار آلوولانیر، تونقاللار اوستوندن توللانیلیر، باجالاردان توربالار ساللانیر، قورشاق آتیلیر، قولاق فاللاری قورولور.

آخیرینجی چرشنبه‌ده یاشیندان و جنسیندن آسیلی اولمایاراق هامی تونقالین اوستوندن توللانمالیدیر، تونقالی سؤندورمک اولماز، او اؤزو سؤنه‌ندن سونرا جاوان اوغلان و قیزلار همین تونقالین کولونو ییغیب، ائودن کنار بیر یئره، چؤله آتمالیدیر. بو، او دئمکدیر کی، تونقالین اوستوندن توللانان بوتون عائله عضولرینین بدبختلیی آتیلان کول‌له بیرلیکده عائله‌دن اوزاقلاشدیریلیر. آخیرینجی چرشنبه آخشامی یالنیز یاخشی سؤزلر دانیشیلماسی عادت حساب اولونور.

قدیم ائل عادتلرینه و اینانجلارا گؤره، همین گون ائودن دوز، سو، پول، چؤرک، اود، کیبریت، نفت، آغارتی وئرمزلر. آخیر چرشنبه گونو عائله عضولرینین سایینا گؤره شام یاندیریلیر، عادته گؤره شامی یاریمچیق سؤندورمزلر. همچینین آخیر چرشنبه گئجه‌سی اوریینده نیت توتوب یاتیلمالی‌دیر. دئییلنه گؤره، ایلین آخیر چرشنبه گئجه‌سینی اؤز ائوینده قید ائتمه‌لیسه‌ن. عکس حال‌دا نوروزو یئددی ایل دالبادال باشقا یئرده قارشیلایاجاقسان.

قید ائدک کی، آذربایجانا یاز فصلی مارتین ۲۰-سی باکی واختی ایله ساعت ۱۸:۴۵:۵۳-ده داخل اولاجاق. مارتین ۲۰-۲۱-ی ایسه آذربایجان‌دا نوروز بایرامی قید اولونور.

گونش اکلیپتیکا اوزره حرکت ائد‌رک، اکواتورو کسیب جنوب یاریمکوره‌سیندن شمال یاریمکوره‌سینه کئچیر. همین آندان شمال یاریمکوره‌سین‌ده یاز، جنوب یاریمکوره‌سینده ایسه پاییز فصلی باشلاییر. یاز فصلینین اوزونلوغو ۹۲ گون ۱۷ ساعت ۳۸ دقیقه ۲۸ ثانیه اولاجاق.