تبریزین «تراکتورسازی» کومانداسینین طرفدارلاری صاباحکی «تراکتورسازی» – «ایستیقلال» اویونوندا «تراکتورسازی»- نین اوچونجو رسمی رنگی اولان قارایا بورونمیی پلانلاشدیریرلار.

آخار. آذ خبر وئریر کی، بو آددیملا آذربایجاندا داشقینلار زامانی حیاتینی ایتیرنلرین خاطره‌سی یاد ائدیله‌جک.

همچینین یاریشدا بلیطلرین ساتیشیندان الده اولونان گلیرین داشقیندان اذیت چکنلره صرف ائدیلجیینی ائشیدن وطنداشلار آرتیق «تراکتورسازی»نین کامپانییاسینا جدی دستک وئریرلر. حتی فوتبول ماتچینا گئده بیلمه‌یه‌نلر ده بلیطلر آلیرلار.

ققید ائدک کی، دونن اؤز اینستاگرام صحیفه‌سینن‌ده «تراکتورسازی» کلوبونون ایجراچی دیرکتورو مصطفی آجرلو جوما آخشامی تبریزده اوینانیلاجاق «تراکتورسازی»-«ایستیقلال» اویونوندان الده اولونان گلیرلرین سیل و داشقیندان ضرر چکن شخصلره صرف ائدیلجیینی بیلدیرمیشدی.

آپرلین ۱۴-ده آذربایجان ویلایتینین بیر چوخ شهرلرینده فلاکتلی داشقینلار قیده آلینیب. ان دهشتلی وضعیت ایسه آذرشهر، عجبشیر، سراب، مراغا، اورمییا بؤلگه‌لرینده یاشانیب. داشقینلار نتیجه‌سینده ۴۹ آذربایجانلی دونیاسینی دییشیب.

ایران مرکزی حاکمیتینین بیگانه‌لیگی و بو فاجعه ایله باغلی ماتم اعلان ائتمه‌مه‌سی یئرلی ساکینلره اوزوجو تأثیر ائدیب.