آذربایجان اهالی‌سی ارومییه گؤلونون قوروماسینا لاقید یاناشانلاری عفو ائتمه‌یه‌جک.

آخار. آذ خبر وئریر کی، بونو ایران پارلامنتینده حکومتین و پرزیدنت حسن روحانینین فعالیتینی تنقید ائد‌ن آذربایجانلی میلت وکی‌لی محمد حسن نژاد سؤیله‌ییب. او، آذربایجانلیلارین آرتیق حاکمیته قارشی صبرینین توکندیینی بیلدیریب:

«شبهه‌سیز کی، اؤلکه‌نین شیمال-غرب اهالی‌سی اوچون هئچ بیر مسئله اورمییه گؤلو قدر اهمیت داشیمیر. باشقا سؤزله دئسک، اورمییه گؤلو آذربایجان اهالی‌سینین قیرمیزی خطی‌دیر. جناب پرزیدنت، آرتیق گؤل قورودو، آذربایجانین گؤزو کور اولدو. سیزین جانلاندیرما ایشلرینیز ده ایشه یارامادی. اگر اللهین مرحمتی ایله بو قدر یاغیشلار اولماسایدی، آرتیق اورمییه گؤلو یوخ ایدی. آذربایجان اهالی‌سی بو مسئله‌یه لاقید یاناشانلاری عفو ائتمه‌یه‌جک.

آذربایجان اهالی‌سینین داها بیر قیرمیزی خطی آذربایجان تورکجه‌سینین مکتبلرده تدریس اولونماماسیدیر. بو، آرتیق سوسیال طلبات‌دیر. سئچکیقاباغی تبلیغات-تشویقات دؤنه‌مینده تورک دیلینین مکتبلرده تدریس اولوناجاغی ایله باغلی سؤز وئردینیز. اهالی دئدی کی، بو مسئله آنایاسادا قید اولونوب و بیز ده اونون ایجراسینی طلب ائدیریک. سیز ایسه دئدینیز کی، مکتبلرده تورک دیلینین تدریس اولونماسی ایله یاناشی، اوستاد شهریارین دئدیی کیمی، «تورکون دیلی تک سئوگیلی ایستکلی دیل اولماز، اؤزگه دیله قاتسان، بو اصیل دیل اصیل اولماز» میصراعلاری گرکینجه آیریجا تورک دیلی و ادبیاتی مدنیت ائوی یارادیلاجاق. آنجاق ودلر یئرینه یئتیریلمدی. اهالی سیزدن گیلئیلی‌دیر، ایندی بونا جاوابینیز ندیر؟»