آذربایجاندا دؤولت موسسه‌لرینه ایشه قبول زامانی آذربایجانلیلاردان و انتیک قروپلاردان دؤولت دیلیندن لازی‌می سوییه‌ده ایمتحانین گؤتورولمه‌سی و اینشانین یازیلماسی تکلیف ائدیلیر.

ترند-این معلوماتینا گؤره، بو تکلیفله آذربایجان میلی علملر آکادمییاسینین (آمئا) ریاست هئیتینین ایجلاسیندا چیخیش ائد‌ن آمئا-نین هومانیتار علملر بؤلمه‌سینین آکادمیک کاتیبی تیمور کریملی چیخیش ائدیب.

آنا دیلیمیزین صافلیغینین قورونماسی اوچون تکلیفلرینی آچیقلایان ت.کریملی دئییب کی، کوچه رکلاملاریندا، اعلان، آفیشالاردا و س. دیل پوزونتولارینین آرادان قالدیریلماسی اوچون دیلچی‌لیک اینستیتوتونون مونیتورینگ شعبه‌سینین وئردیی معلوماتلار اساسیندا جریمه‌لرین تطبیق ائدیلمه‌سی مخانیزمی حاضرلانسین و بو مقصدله یوخاری اینستانسییالارا مراجعت ائدیلسین.

بوندان باشقا، آذربایجان دیلینین اورفوپییا لغتین تکمیللشدیریله‌رک بؤیوک تیراژلا چاپ ائدیلسین و گئنیش کوتله‌لر آراسیندا یاییلسین. بوندان باشقا، اورتا عمومتحصیل و عالی مکتبلرده ریتوریکا فننینین کئچیریلمه‌سی ایله باغلی تحصیل ناظرلیگی ایله مصلحتلشمه‌لرین آپاریلماسی تکلیف ائدیلیر.