تبریزده کئچیریلن شهر شوراسی سئچکیلرینین نتیجه‌لری لغو اولونا بیلر.

آخار. آذ خبر وئریر کی، شورا سئچکیلرینده یول وئریلن قانون پوزونتولاری ایله علاقدار «فارس نیوز»آ دانیشان تبریزین ایران پارلامنتینده‌کی میلت وکیلی احمد علیرضابیلی تمثیل ائتدیی شهرده بعضی منطقه‌لرده سسلرین یئنی‌دن ساییلاجاغینی آچیقلاییب:

«سئچکیلرین نتیجه‌سینه اعتراض ائد‌ن نامیزدلرین سؤزلرینه و بعضی فاکتلارا گؤره، سئچکیلردن اؤنجه و سس وئرمه گونو بیر سیرا قانون پوزونتولارینا یول وئریلیب. شهر شوراسی سئچکیلرینه نظارت هئیتینین مسئولیتی میللت وکیللرینین اوزرینه دوشدویو اوچون قارشی‌داکی گونلرده وئریله‌ن سسلرین ۱۰ فایزی و شوبهه دوغوران ساندیقلارین سسلری یئنی‌دن ساییلاجاق. بیز آرتیق اؤت‌ن گئجه سئچکیلرین نتیجه‌سینه اعتراض ائد‌ن ۶۰-دان چوخ نامیزدله بیر آرایا گلدیک و اونلارین اعتراضینی عکس ائتدیره‌ن بیر متن ده حاضیرلادیق. اومید ائدیره‌م کی، سسلرین ۱۰ فایزی یئنی‌دن ساییلدیقدان سونرا یارانان پروبلم اؤز حلینی تاپاجاق».

قید ائدک کی، ایراندا پرزیدنت و شهر شوراسی سئچکیلری مایین ۱۹-دا کئچیریلیب.