شرقی آذربایجانین دولت مکتبلری یئنی درس ایلینده شاگیردلرین قیدیاتا آلینماسی اوچون پول طلب ائدیر.

آخار. آذ خبر وئریر کی، بو باره‌ده شرقی آذربایجان ایالتی تحصیل شعبه‌سی ریسی جعفر پاشایی «آناج» خبر آگنتلیینه مصاحیبه‌سینده دئییب.

«شاگیردلرین دؤولت مکتبلرینده قیدیاتا آلینماسی اوچون ۱۵۰ مین تومهن طلب اولونور، بو، چوخ عادی حالدیر. لاکین بو وضعیت‌دن ایستیفاده ائدیب، شاگیردلردن ۵۰۰ مین تومنه قدر پول آلان مکتبلر ده وار. تحصیل شعبه‌سی بئله حاللارا قارشی جدی تدبیر گؤره‌جک»، - دئیه او بیلدیریب.

جعفر پاشایی شاگیردلردن آلینان مبلغین سببینی ده آچیقلاییب:

«مکتبلره بودجه وسایتی آیریلمادیغی اوچون اونلار شاگیرد سیغورتاسی، تحصیل سیغورتاسی، حتی بعضی مکتبلر کیتاب پولونو تعمین ائتمک مقصدی ایله شاگیردلردن ۱۳۰-۱۵۰ مین تومه‌ن پول طلب ائدیر».

قید ائدک کی، ایران کونستیتوسییاسینین ۳۰-جو ماده‌سین‌ده «دؤولت بوتون اهالینین اورتا مکتب سوییه‌سینده تحصیل آلماسی اوچون پولسوز شرایط یاراتمالی، حتی اؤزونو تعمین ائد‌جک حدینه چاتانادک اینسانلارین عالی تحصیل آلماسی اوچون ده پولسوز شرایط یاراتمالیدیر» - دئیه قید اولونوب.