اورمو گؤلونده سویون سوییه‌سینین دوشدویو بیر واختدا ایران تحصیل ناظرلیگی اورتا مکتب درسلیکلرین‌ده گؤلده وضعیتین یاخشیلاشدیغینی یازیب.

آخار. آذ ایرانین «تابناک» سایتینا ایستینادن خبر وئریر کی، «اینسان و اطراف موحیط» کیتابینین ایکینجی صحیفه‌سینده گؤلده سویون سوییه‌سینین سون ۶ آیلا موقاییسه‌ده ۵۵ سانتیمتر قالخدیغی قید ائدیلیب.

ایرانین بعضی مئدیا اورقانلاری ناظیرلیین بو یالانینین گولونج اولدوغونو یازیبلار.

گؤلون سوییه‌سینین گئتدیکجه دوشدویونو آذربایجانلی میللت وکیللری، حتی بیر سیرا حکومت نماینده‌لری و اورمو گؤلونو جانلاندیرما مرکزینین رسمیلری ده اعتراف ائدیرلر. تحصیل ناظیرلیینین بئله بیر تحریفه یولا وئرمه‌سی رئژیمی اهالینین غضبیندن قوروماق و کوتلوی اعتراضلاری اؤنله‌مک مقصدی گودور.

قید ائدک کی، بیر مدت اول ایران آذربایجانیندا اجتماعی فعاللار و سوسیال مئدیا ایستیفاده‌چیلری اورمو گؤلونون شکلینین درسلیکلرده‌کی خریطه‌لردن چیخاریلماسینا اعتراض ائتمیشدیلر.