بابک زنجانی. ۱۲ مارت ۱۹۷۴-جو ایلده تهراندا آنادان اولان میلیاردر ایندییه قدر ایران تاریخینین ان معمالی شخصلریندن حساب ائدیلیر. قیسا مدت عرضینده بؤیوک ثروت توپلاماغی باجاران زنجانی سونراکی دؤورلرده ایرانین بیرباشا هدفینه چئوریلیب. بعضیلری اونو فیریلداقچی، بعضیلری بؤیوک ایش آدامی، بعضیلری ایسه سادجه ایران درین دؤولتینین گیزلی آگنتی حساب ائدیرلر. بس اصلینده بابک زنجانی کیمدیر؟

اصلا جنوبی آذربایجانین زنجان شهریندن اولان بابکین حیاتیندا دؤنوش نقطه‌سی هاشیمی رفسنجانینین پرزیدنت اولدوغو دؤوره دوشور. بئله کی، ۱۹۹۹-جو ایلده زنجانی ایران مرکزی بانکینین رهبری محسن نوربخشین شخصی سوروجوسو اولور. نوربخشله معین مدت ایشلدیکدن سونرا زنجانی اونون بؤیوک اعتبارینی قازانیر. اونون سایه‌سینده خئیلی پول الده ائد‌ن بابک تورکییه‌یه یون و قویون دریسینین ایخراجینا باشلاییر. لاکین قیسا مدت سونرا ایفلاس ائدیر. بونا اساس سبب ایسه تورکییه‌ده‌کی اورتاغینین زنجانینی آلداتماسی اولور.

نتیجه‌ده زنجانی حبس ائدیلیر. آزادلیغا چیخدیقدان سونرا تورکییه‌ده اقتصادیات اوزره تحصیل آلیر. یئنیدن ایش حیاتینا آتیلیر و ایران حاکمیتینین یوخاری طبقه‌سی ایله علاقه‌لرینی گوجلندیریر. ایراندا فیلم تقدیماتلارینین بیرینده کئچمیش پرزیدنت محمود احمدی نژاد و ایسپیکر لاریجانی ایله گؤروشور. بو گؤروش زنجانی اوچون گؤزلنیلمز نتیجه‌لره سبب اولور. غربین سانکسییالاری آلتیندا اینلین ایران تئزلیکله زنجانییه اؤز نفتینین خاریجه چیخیشینی حیاتا کئچیرمه‌یه اجازه وئریر. بو ایسه زنجانینین سرعتله وارلانماسینا سبب اولور.

داها اطرافلی آخار تی وی-نین تقدیم ائدجیی سوژتده: