آوروپا تهلکه سیزلیک و امکداشلیق تشکیلاتینین مینسک قروپونون ایکی عضوو – روسییا و آمریکا داغلیق قاراباغ موناقیشه‌سینی حل ائتمه‌دن رگیونا نظارت ائتمک ایستییر.

بو سؤزلری آخار. آذ-آ آچیقلاماسیندا کئچمیش دیپلمات، پولیتولوگ فیکرت صادیقوو دئییب. پولیتولوگ حساب ائدیر کی، ارمنیستانلا گوج دیلینده دانیشماق لازیمدیر:

«ارمنیلر ایشغال ائدیلمیش اراضیلری هئچ واخت صولح یولو ایله گئری قایتارمایاجاقلار. ایندیکی شرایط‌ده گؤرونن بودور کی، داغلیق قاراباغ موناقیشه‌سینین یئگانه حل یولو حرب واریانتیدیر. ایش اوراسیندادیر کی، روسییا، آمریکا و فرانسا بونونلا راضیلاشمایاجاق. خصوصاً ده روسییا و آمریکا بو واریانتدا رگیونا تأثیر ایمکانلارینی ایتیره بیلر. اونلارین بیر نمره‌لی مقصدی داغلیق قاراباغ موناقیشه‌سینی حل ائتمه‌دن رگیونا نظارت ائتمکدیر. اوسته‌لیک، سون زامانلار روسییانین ارمنیستانی سلاحلاندیرماسی دانیشیقلار پروسسینه ضیددیر. اما بوتون بونلارا باخمایاراق، آذربایجان پروبلئمین حلی ایستیقامتین‌ده بوتون واسطه‌لردن ایستیفاده ائدیر و بوندان سونرا دا ائتمه‌یه حاضردیر. بو باخیمدان دا آذربایجان مادرید پرینسیپلری اوزره دانیشیقلاری داوام ائتدیرملی، اقتصادی و حربی گوجونو آرتیرمالیدیر. بو، گله‌جکده تاریخی ایروان و زنگزور بؤلگه‌لرینی گئری قایتارماغا ایمکان یارادا بیلر».