سی بی سی کانالی بین الخالق کونفرانسدا ایشتیراک ائتمک اوچون باکییا گلن ارمنی اصیللی ریمما سرکیسووا حاقدا سوژت حاضرلاییب.

آخار. آذ خبر وئریر کی، ر.سرکیسووا ۲۸ ایلده‌ن سونرا دوغولوب بویا باشا شاتدیغی گنجه شهرینه گئدیب. گنجه‌ده قونشولارینی آختاراندا ایسه عاریف ایسماعیلوو سرکیسووانی تانیییر و اونو ائوینه دعوت ائدیر.

۱۹۸۹-جو ایلده گنجه‌نی ترک ائد‌ن ریمما سرکیسووا ارمنیستانا گئدیب. اما آذربایجاندان اولان دیگر ارمنی لر کیمی، اونو دا قبول ائتمه‌ییبلر. چاره‌سیز قالان قادین اوکراینایا گئدیب و بو گونه دک اورادا یاشاییر. دئییر کی، آذربایجاندا ارمنی لر چوخ یاخشی یاشاییردیلار. اونلارین هر بیر شرایطلری واردی. ائولری، یاخشی ایشلری، دوستلاری. بورانی ترک ائد‌ن ارمنی لر چوخ شئی ایتیریبلر. بو بینادا اوللر زاوود فعالیت گؤستریب، ریمما سرکیسووا بورادا ۱۱ ایل تکنیک-تخنولوق ایشله‌ییب. او، آذربایجان دیلینی اونوتماییب.

داغلیق قاراباغ موناقیشه‌سی باره‌ده دانیشان ریمما سرکیسووا باش وئره‌نلره گؤره ارمنی سپاراتچیلارینی گوناهکار ساییر. دئییر کی، اگر اونلارین آذربایجانجانا عرضی ادعاسی باش قالدیرماسایدی، هر شئی اوولکی کیمی یاخشی اولاردی!

سرکیسووا بیلدیریب کی، داغلیق قاراباغ آذربایجان اراضیسی‌دیر و آذربایجان اراضیسی اولاراق دا قالاجاق.