آذربایجانین آشپا-داکی نماینده هئیتینین رهبری، قورومون ویتسه-پرزیدنتی صمد سئییدوو آشپا-نین ایجلاسیندا چیخیش ائد‌ن ارمنیستان پرزیدنتی سئرژ سرکیسیانا جاواب وئریب.

آپا-نین معلوماتینا گؤره، س. سئییدوو ارمنیستان پرزیدنتینین چیخیشینا توخوناراق اونون دونیا ایجتیماعیتینی آلداتدیغینی بیلدیریب:

«سیز آذربایجانا قارشی محاربه‌نین لیدری اولموسونوز. نیه چیخیشینیزدا خوجالی فاجعه‌سی باره‌ده دانیشمادینیز؟ اورادا اوشاقلار، یاشلی اینسانلار، قادینلار داخیل اولماقلا ارمنی لر طرفیندن تخمیناً ۶۰۰ نفر اؤلدورولدو. نیه ائتنیک تمیزله‌مه باره‌ده دانیشمادینیز؟ حاضردا سیز بین الخالق ایجتیماعیتی آلداتماغا چالیشیرسینیز. نه بو تشکیلاتین، نه ده دیگر تشکیلاتلارین قطعنامه‌لرینی یئرینه یئتیریرسینیز. بیرلشمیش میلتلر تشکیلاتی، آوروپا اتفاقی، آوروپا شوراسی، دیگر تشکیلاتلار آذربایجان تورپاقلارینین ایشغالی باره‌ده دانیشیب. سیز بو تشکیلاتلاردان هئچ کسی قبول ائتمه‌یه حاضر دئییلسینیز».