آذربایجان‌دا یئتیشدیریلن مئیوه-تروزلر آلمانییادا سرگیده نوماییش اولوناجاق.

اقتصادیات ناظیرلیین‌دن آخار. آذ-آ وئریله‌ن معلوماتا گؤره، فورالین ۷-دن ۹-دک آلمانییانین بئرلین شهرینده "فرویت لوگیستیجا" مئیوه-تروز سرگیسی کئچیریله‌جک.

آذربایجان محصوللارینین دا وماییش اولوناجاغی سرگی‌ده دونیانین ۸۴ اؤلکه‌سین‌دن ۳۰۰۰-دن چوخ شیرکتین ایشتیراک ائدجیی نظرده توتولور.

اقتصادیات ناظیرلیینین دستیی، آذربایجاندا ایخراجین و اینوئستیسییالارین تشویقی فوندونون تشکیلاتچیلیغی ایله ۹ ایخراجاتچی آذربایجان شیرکتینین ایستحصال ائتدیی مئیوه-تروز محصوللاری واحید اؤلکه ایستئندی ایله بو بین الخالق سرگیده زیارتچیلره تقدیم ائدیله‌جک.

قید ائدک کی، پرزیدنت ایلهام علیئوین ۵ اوکتیابر ۲۰۱۶-جی ایل تاریخلی "مدی این آذربایجان" برئندینین خاریجی بازارلاردا تبلیغینه دایر فرمانینا اویغون اولاراق، "فرویت لوجیستیکا" مئیوه-تروز سرگی‌سینده آذربایجانین واحید اؤلکه ایستندینین تشکیلی خرجلری دؤولت طرفیندن قارشی‌لانیر.